السواقة في ميونخ
قوانين القيادة في المانيا أسئلة قيادة السيارة في النمسا السواقة في ميونخ قيادة السيارة ميونخ استئجار سيارة في ميونخ يورب كار ايجار سيارات ميونخ sixt مواقف السيارات في ميونخ
محتويات الموضوع
قوانين القيادة في المانيا
لاحظت بحث كثير عن قوانين القيادة في المانيا ، وكان المانيا المريخ او عطارد ، يا اخوان القوانين هي نفسها مع بعض الاشياء البسيطة لذلك ماله داعي التوتر في هذا الموضوع ، بحكم تجربتي الاولى في شرق المانيا وتجربتي الثانية في ميونخ اشوف ان السواقة في المانيا سهلة وبسيطة ولاتحتاج ان الواحد يشغل نفسه في هذا الموضوع ، كن على ثقة ان اي شخص يسوق في دول الخليج وبالاخص السعودية عنده القدرة انه يسوق في اي مكان كان .
أسئلة قيادة السيارة في النمسا
مايحتاج تكثر اسئلة القيادة في النمسا ، لان النمسا حتى الغشيم يقدر يسوق فيها بكل اريحية ما احد يلصق الصدام في الصدام والسرعات محددة وخصوصا في زيلامسي وماجاورها لانها طرق ريفية واسعة ومريحة والسرعة القصوى في الغالب 80 كيلو.
السواقة في ميونخ
مثل ماقلت في بداية الموضوع السواقة في ميونخ عادية مع ان ميونخ زحمة خصوصا فترة مابعد العصر ، نظام الاشارات غريب شوي تفتح للمسارين الي رايح والي جاي ، ولو بغيت تروح يسار عليك انتظار المسار الي جاي حتى تحصل فرصة لان الاشارة فاتحة لك ولهم في نفس الوقت ولو كنت تجاوزت الاشارة وصرت في النص وتنتظر المسار الي جاي يصير عادي حتى لو سكرت الاشارة لانك خلاص صرت في النص صراحة حركة غريبة.
قيادة السيارة ميونخ
قيادة السيارة في ميونخ ممتعة والمواقف متوفرة ، وفيه حركة غريبة بعد في اشاراتهم اذا تبي تروح يمين لازم تنتظر الاشارة الخضرا مافيه لفة يمين بدون الاشارة والغريب اكثر ان الاشارة اذا عطتك اللون الاخضر تلف يمين تعطي المشاة الي قدامك كذلك اللون الاخضر يعني اذا بتلف يمين انتظر اللون الاخضر وبعدها انتظر مرور المشاة لانهم عندهم بعد اللون الاخضر، واخر ملاحظة ان اغلب اشاراتهم يكون في الازفلت اسهم يمين ويسار وسيدة لذلك لذلك احرص اذا بتروح سيدة على المسار الاوسط.
استئجار سيارة في ميونخ
اما استئجار سيارة في ميونخ عجيب ، ماعمري شفت زحمة ناس على مكاتب تأجير السيارات مثل الزحمة الي شفتها في مطار ميونخ شي عجيب ، للتفاصيل اكثر حول استئجار سيارة في ميونخ شاهد هذا الموضوع
استأجرت سيارة بي ام دبليو موديل السنة ماشية حوالي 5 الاف كيلو وشوي ، والغريب حصلتهم مسوين ملاحظة عند الجنوط فيها حك على ما اذكر 3 جنوط واستغربت وش هالغشيم الي استأجرها ، لكن بعدين عرفت السالفة المهم لابد تكون سيارتك تأمين شامل ، السالفة ان ميونخ فيها ارصفة حجرية بارتفاع حوالي 10 سنتميتر وفي شوارع الحارات يوقفون سياراتهم في نفس الشوارع الصغيرة واذا تقابلت مع سيارة اكيد بتقرب من الرصيف الصغير وهنا يصير حك للجنط ، اذا تأمينك شامل لايهمك عادي التأمين يتحملها ، افضل تأمين شامل للسيارة في اوروبا هنا
مواقف السيارات في ميونخ
مواقف السيارات في ميونخ اسهل من بقية دول اوروبا ، شوارعهم مثل شوارعنا المواقف قدام المحلات وفي اغلب الشوارع فيها مواقف ، لكن مثل ماذكرت انتبه من الارصفة الحجرية الصغيرة لانها تحك الجنط ، تجولت في ميونخ حوالي اربع ايام ولا اشوف ان المواقف فيها مشكلة.
شرح القيادة في ميونخ
في هذا الفيديو شرح عملي لشخص يقود سيارتة في ميونخ لمدة 42 دقيقة ، ممل شوي لكن كانك سبق وسقت سيارتك في ميونخ من قبل ، بتشوف فيه الملاحظات الي ذكرناها في بداية المقال ، شرح عملي عن الاسهم في الازفلت عند الاشارات وشرح عملي عند اللفة يمين كيف ان المشاة تعطيهم الاشارة الضوء الاخضر في نفس الوقت والكثير من الملاحظات مشاهدة ممتعة.
